Filipʋnya yia, -zʋ sanɛmɛɛ -mʋʋ 'bɩgʋ 'ɩn Aatuu -yɔ -mɔɔ 'ŋwnɔ yia wa -gʋ bhlɩ. Nɩɩ Guabhlɩ -maa -dɩlɩa la. Nɩɩ 1957, -zʋ we nya Baï Laurent bhubhoe -Lagɔ wa 'ka -Lagɔwɛlɩ 'bhiti sɔkɔwɛlɩ 'wʋ nɩ, wee -zʋ -bhlo kpadɛ nya wa gwalɩa Aatuu -yɔ ɔ 'ŋwnɔ. -Lagɔɔ lɛnʋgbʋnya ɔ tliala we nanɩyli bhabha.
Nɩɩ, -zu duun nʋkplɛ, 'ɩn waa Fɩlipʋnya zʋ -tuabhunyaa zʋa 'sɔ yia wee sɔkɔwɛlɩɩ 'yaa datalɩ 'bhie wa yia 'wʋsuslolue loluu 'sɛbhɛɛ cɛlɩcɛlie gwedɩ. Wee wɛlɩɩ 'bhitilubho li -zʋ glʋ -bhlo. Sɔcɩaa 'yua duun ka we lubho nʋ. -Wa kpaa wee lubhoo gbʋ -kli maa nɩ: Zebli Baï Emile, Zagbayi Hippolyte, Dogbo Kalou Williams, Bita Tra Didier, Kalou Ambroise we -yɔ amɩaa bhelia tɔlʋa -wa 'nɩa -zɛɛn dʋdʋ -gʋ -mɩ: Bahi Gbessi François, Gbessi Kalou Dibert, we -yɔ Diagone Ezekiel. Sɔcɩa dumadu ka wa -yɔbɛ we lubho nʋnʋe nya. A -ka 'yɛbha a 'ka sɔkɔdʋdʋ -gʋʋ gbʋnya 'wʋlɩnʋ tenyi tenyi, 'ɩn -de amɩaa 'lakʋʋn bɩpʋpalɩ -gbʋnyaa -yɔ amzaa gbʋwʋsisalɩ -gbʋnya a ka -aɩn -ylɩ gbaa, a zɩ -kwɛnya mɩada zɔ kwe. Nɩɩ, nyɩma duun ka -Lagɔ bhubhuoe dʋdʋ weee -gʋ wee lubhoo 'gbʋ.
Foto sanemɛɛ -we slolua -lagɔwɛlɩɩ 'bhitibhitigbʋ we gwɛdeda, klaa, we bhɩabhɩa -yɔ we nyninynie 2002 nya, mʋnya nɩ.
