'Wʋsuslolue loluu 'sɛbhɛɛ 'bhitibhitie dɩa gwe 1982 nya da Filipʋ -yɔ ɔ 'ŋwnɔ Esɩtɛɛ yia 'ɩn wa yia gbɛɛ 'wʋ ladɩ wa 'ka sɔkɔwɛlɩɩ 'kpɩa kpɩee gwedɩ. Nɩɩ,1957 sɔcɩa dʋʋn yia -Lagɔ pla. Wa glaa -nyzmɛ yabhlo -wa Baï Laurent, -mɔɔ yia -lagɔwɛlɩɩ 'bhitibhitigbʋ tuabhu -yla -wa 'bhitia 'kʋwɛlɩ -yla gba -zugba ɔ bhubho -Lagɔ.
Ɔ yia -Lagɔ bhubʋe -mɔɔ 'ka nyɩma ya 'pa -maa 'ka -lagɔsɛbhɛ 'bhiti sɔkɔwɛlɩ 'wʋ. We zʋ glʋ -bhlo zʋ gbu 'plɩa, 'ɩn ɔ yia 'nʋ nɩɩ, tuabhu yabhlo -yɔ -mɔɔ 'ŋwnɔ ka -lagɔsɛbhɛ 'bhitia yia sɔkɔwɛlɩ 'wʋ. We ka 'mʋna -yɔ -Lagɔɔ 'nanɩgbʋ -Lagɔ nʋalɛ ɔ -yla -zɛ.
Nɩɩ, -Lagɔ ka we lɛnʋ 'ɩn ɔ yia 'yliyɔgada -tʋ -zʋ glʋ -bhlo 'wʋ 'ɩn ɔ yia wee 'wʋsuslolue loluu 'sɛbhɛɛ bhɛada -yɔ we 'tlada 'yɩ.
Danɛɛ, a mneni a 'ka -lagɔwɛlɩɩ 'bhitigbʋ zɛlɩ dʋʋn.
-Foto sanɛmɛɛ -we slolua -lagɔwɛlɩɩ 'bhitibhitigbʋ we gwedɩda klaa, we bhɩabhɩe -yɔ we nyninynie 2002 nya.
